Mahila Sanman Seving Scheme 2025: ही योजना भारत सरकारने 31 मार्च 2023 रोजी स्वातंत्र्याच्या अमृत महोत्सवाअंतर्गत सुरू केली होती. पोस्ट ऑफिसच्या माध्यमातून ही योजना चालवली जात आहे. महिलांना आर्थिकदृष्ट्या मजबूत आणि स्वावलंबी बनवणे हा या योजनेचा उद्देश आहे. तुम्हाला या योजनेचा लाभ घ्यायचा असेल तर तुमच्याकडे 31 मार्च 2025 पर्यंत वेळ आहे.
महिला सन्मान बचत प्रमाणपत्र योजना मार्च 2023 मध्ये दोन वर्षांसाठी लागू करण्यात आली. त्याची मुदत वाढवण्याबाबत सरकारने अद्याप कोणताही निर्णय घेतलेला नाही. योजना मार्च 2025 नंतर बंद केली जाऊ शकते किंवा ती आणखी वाढवलू जाऊ शकते. त्यामुळे तुम्ही यात गुंतवणुकीचा विचार करत असाल तर लवकर निर्णय घेणे योग्य ठरेल.
MSSC योजना व्याजदर?
महिला महिला सन्मान बचत प्रमाणपत्र (MSSC) योजनेत दोन वर्षांसाठी गुंतवणूक करू शकते. ही योजना सरकार चालवते आणि पूर्णपणे सुरक्षित आहे. योजना 7.5% वार्षिक व्याज देते. हा दर बँकांच्या 2 वर्षांच्या मुदत ठेवींपेक्षा खूप जास्त आहे. या योजनेअंतर्गत महिला पोस्ट ऑफिस किंवा नोंदणीकृत बँकांमध्ये सहजपणे खाती उघडू शकतात आणि अधिक चांगले व्याजदर घेऊ शकतात.
हेही वाचा – पत्नीच्या नावे घर खरेदी केल्याने सरकारकडून मोठा लाभ मिळणार
महिला सन्मान बचत प्रमाणपत्र योजना किमान गुंतवणूक
या योजनेंतर्गत किमान 1,000 रुपये आणि कमाल 2 लाख रुपये जमा करता येतात. 2 वर्षानंतर तुम्हाला संपूर्ण पैसे व्याजासह परत मिळतील. एक वर्षानंतर आवश्यक असल्यास, 40% पर्यंत रक्कम काढता येते. खातेदाराचा कोणताही गंभीर आजार किंवा मृत्यू झाल्यास, खाते मुदतीपूर्वी बंद केले जाऊ शकते. मात्र, 6 महिन्यांनंतर खाते बंद केल्यास, व्याजदर कमी होऊ शकतो.
योजनेत कोण अर्ज करू शकतो
ही योजना फक्त महिला आणि मुलींसाठी करण्यात आली आहे. कोणतीही भारतीय महिला यामध्ये गुंतवणूक करू शकते. पालक त्यांच्या अल्पवयीन मुलींसाठीही खाते उघडू शकतात. हे खाते फक्त एकाच व्यक्तीच्या नावाने उघडता येते, म्हणजेच त्यात संयुक्त खात्याचा पर्याय नाही. या योजनेची विशेष बाब म्हणजे यामध्ये वयोमर्यादा नाही. म्हणजेच कोणत्याही वयोगटातील महिला या योजनेचा लाभ घेऊ शकतात.
